Ihap sa mga stranded nga pasahero sa mga pantalan sa Sugbo, nadugangan pa

CEBU – Nadugangan pa ang ihap sa mga stranded passengers sa nagkadaiyang pantalan sa syudad ug probinsiya sa Sugbo.

Sa pakighinabi sa Bombo News Team kang Meryknoll Bolasa, Public Information Officer sa Cebu Port Authority (CPA), gipahibalo niini nga aduna na’y 22 ka mga stranded sa Pier 3 sa Cebu Baseport, 9 sa Pier 4, samtang 235 usab sa Hagnaya Port ug 55 sa Danao Port, diin sa kinatibuk-an, mikabat na kini sa 321 ka mga stranded passengers.

Ang naasoy nga mga pasahero kay kasamtangan nga gipahimutang sa mga government evacuation center.

Una nang mikanselar ang Philippine Coast Guard 7 sa mga byahe sa barko ug uban pang shipping vessel gumikan sa bati nga lakat sa panahon nga nakamugna ug mga dagkong balud sa kadagatan.