Malampusong nakapahigayon sa spay-and-neuter program o programang pagpakapon sa mga binuhing hayop ang Cebu Provincial Veterinary Office (PVO) sa nakalabayng buwan sa Pebrero.
Matod pa sa maong buhatan nga mikabat sa 667 ka mga binuhing hayop ang malampusong nakapon ubos sa nagpadayong animal population management program sa Kapitolyo.
Ang maong ihap kay naghulagway sa paningkamot sa Kapitolyo sa Sugbo sa pagtuboy sa responsableng pagpanag-iya og mga binuhing hayop ug sa pagsulbad sa isyu sa mga libud-suroy nga mga mananap sa mga komunidad.
Dugang pa sa PVO nga ang ilang month-long effort naglangkob sa ilang mga veterinary teams sa pagpahigayon og spay and neuter kun kapon sa mga nagkadaiyang lungsod ug syudad nga nagdala sa mga serbisyo direkta sa mga pet owners nga walay daling access sa veterinary clinics.
Gipadayag sab sa buhatan ang ilang pasalamat sa mga pet owners ug mga partner communities sa aktibong pagsuporta sa ilang inisyatiba.
