Mikunhod ang gidaghanon sa mga gitaho nga krimen sa nasud sa miaging tulo ka bulan, sumala pa sa Philippine National Police (PNP).
Sa usa ka pamahayag, ang mga index crimes mikunhod og 13.96%, gikan sa 6,961 ka mga kaso niadtong Hulyo 22 – Agosto 25, 2025) ngadto sa 5,989 ka mga kaso niadtong Agosto 26–Oktubre 30, 2025.
Mikunhod usab og 14.01% ang mga focus crimes sa samang panahon.
Dugang pa, gikan sa Agosto 26 hangtod Oktubre 30, 2025, ang PNP nagpahigayon og 9,061 ka mga anti-illegal drug operations — nga miresulta sa pagkadakop sa 10,434 ka mga drug personalities, ang pag-neutralize sa 8 pa ka mga drug personalities, ug ang pagkumpiska sa P1.91 bilyon nga kantidad sa ilegal nga droga.
Kapin sa 11,500 ka mga wanted person ang nadakpan o gisurender, samtang kapin sa 5,600 ka mga loose firearms ang nakumpiskar o gisurender.
Gipasiugda ni Acting Chief PNP P/Lt. Gen. Nartatez nga Walay lugar sa bag-ong PNP para sa mga pulis nga dili matinud-anon sa serbisyo diin ang polisiya sa iyang pagpangulo kay ang zero tolerance sa bisan unsang porma sa korapsyon ug pag-abuso.
