CEBU CITY – Gikabalak-an ni Dr. Rene Josef Bullecer ang pagkatap sa coronavirus sa pipila ka mga nasud ilabi na sa Asya.
Matud ni Dr. Bullecer nga ‘alarming’ na ang ihap sa mga nataptan sa maong nasud diin mikabat na sa 1,313 lukop kalibotan ug 42 na ang patay ug kadaghanan niini mga edaran.
Sigon pa nga mas ‘prone’ niini ang mga edaran ilabi na niadtong mga daan nang adunay sakit nga gipamati.
Gipasabot ni Bullecer nga lisod na matambalanan ang mga pasyente nga nataptan niining coronavirus kung daan nang adunay sakit.
Giingong mas hinay ang resistensya sa mga tawo nga adunay sakit hinungdan nga mas dali kining mataptan sa nahisgutang virus.
Subay niini, subling mitambag si Dr. Bullecer nga kanunayon ang paghugas sa kamot, ingon man ang pag-inom ug tubig arun nga kanunay usab ang pagpangihi ug sa maong pamaagi ma-washout ang toxin sa lawas.
