PROVINCE OF CEBU- Gipahibalo ni Cebu Provincial Administrator Atty. Joseph Felix Mari “Ace” Durano nga mi-ubos ngadto sa 18% ang ihap sa Korean tourist arrivals ug uban pang mga langyaw nga turista diri sa Sugbo subay sa datos sa uannag unom ka buwan sa kasamtangang tuig.
Matod ni Durano nga kini nga problema kay nagkinahanglan og dinalian nga alibyo ilabi na nga dakop ang ikatampo sa kita sa probinsya ang turismo.
Dugang ni Durano nga wala magsilbi ang Suroy-suroy ug Pasigarbo sa Sugbo nga programa sa nakalabayng administrasyon kay wala kini nakatampo sa pagpalambo sa turismo sa lalawigan.
Gipartikular niini ang mga Korean nationals tungod kay mao kini nga mga langyaw ang pinakadaghang miabot sa Pilipinas sa pipila ka tuig nang milabay nga milabaw na sa mga Insik (Chinese) ug Hapon (Japanese).
Nasayran nga ang budget alang sa Suroy-suroy ug Pasigarbo sa Sugbo karong tuiga kay gikatakdang i-realign sa pamunuan ni Cebu Gov. Pamela “Pam” Baricuatro alang sa ubang programa sa Kapitolyo nga mas masinati sa mga Sugbuanon nga makasulbad sa ilang gikinahanglan.
