Gipahigayon ang ika-124 nga pag-obserbar sa Labor Day sa Department of Labor and Employment – Central Visayas sa Plaza Independencia sa Dakbayan sa Sugbo kagahapon, Mayo 1, 2026.
Matud ni Roberto Cabardo, ang Labor Information Officer sa DOLE-7 nga nagmabungahon og mahinungdanon ang pagpahigayon sa kasaulogan sa Labor Day karong tuiga, gumikan kay daghan gayud kaayu ang mitambong sa maong programa.
Usa sa mga highlight sa maong kasaulogan mao ang higayon sa pagpadayag sa mga nagkalain-laing sector sa mga mamumuo atol sa gipahigayong kulokabildo ngadto na sa pipila ka sakop sa Regional Tripartite Wages and Productivity Board (RTWPB)-7 ug DOLE-7.
Lakip sa mga gipahigayon kagahapong adlawa, mao ang pagpang-apud-apod sa mga honorarium alang sa mga benifeciaries sa Government Internship Program (GIP), Tulong Panghanapbuhay sa Ating Disadvantaged/Displaced Workers (TUPAD) program og sa mga Livelihood Program.
Gawas sa pagsaulog sa Labor Day sa Plaza Independencia, aduna usab gipahigayon nga “One stop shop” ug Job Fair alang sa mga nangita og trabaho sa usa ka mall sa Mabolo.
Mensahe ni Cabrado, nga katungod sa mga mamumuo nga magpadayag sa ilang kaaligut-got sa gobyerno apan likayan ang pagpasiugda og kagubot sa pagpahigayon og rally.
