-- ADVERTISEMENT --
CEBU CITY-Gisaulog ang ika-127 nga adlaw nga natawhan ni President Carlos P. Garcia niadtong Nobyembre 4, 2023, ang ika-walo nga lider sa atong nasud ug “Bohol’s Most Illustrious Son”.
Gihinumduman ang kinabuhi ug legasiya sa usa ka Bol-anon nga nihatag og tinuod nga pagserbisyo dili lang sa Bohol lakip na sa tibuok Pilipinas.
Gihalad ang maong adlaw isip pagdayeg sa kanhi Pangulo sa atoang nasud, ug garbo sa mga Bol-anon nga nahimong ika-walo nga Presidente sa Republika sa Pilipinas.
Gihandom usab nga magpabilin sa mga katawhan sa tanan nga henerasyon ang matinud-anon nga pagpangalagad sa kanhi Presidente.
