CEBU CITY-Nagmalampuson ang pagsaulog sa ika-42 nga anibersayo sa Partido Demokratikong Pilipino–Lakas ng Bayan o PDP-Laban gahapong adlawa, Abril 19, 2024 diin gitambungan sa mga opisyal gikan sa lain-laing dapit sa Cebu.
Hinungdan nga hingpit nga gipangandaman sa mga kapulisan sa Cebu City Police Office ang maong kalihokan ilabi na ang pagbisita ni kanhi presidente Rodrigo Duterte.
Gani, wala’y natala nga kasikas o anomalya hangtud nga nahuman kini nga giselebrar ang maong anibersaryo.
Ang nasangpit nga kalihokan gipangulohan ni PDP President ug Palawan Second District Rep. Jose Chaves Alvarez, Cebu City Mayor Mike Rama ug uban pang mga senador sa Pilipinas.
Ingon man nga mokabat sa kapin 1,300 ka mga miyembro ang misalmot ug ang nakig-uban.
Sa pikas bahin, gikuhaan og habig ang miyembro sa PDP kabahin sa mga mikalas ug mibalhin nga miyembro sa naasoy na grupo, ug gitubag kini ni Mayor Rama diin matud pa niini nga taliwala sa mga isyus nga mitumaw ang importante ang mga nagpabilin ug mas gipiling barugan ang PDP.
