Gihatagan og katin-awan sa Office of the Building Official (OBO), wala sila nitugot nga aprobahan ang usa ka application nga building permit sa usa ka fastfood outlet.
Kini gumikan gitoohan nga nagbabag sa bahin sa sidewalk sa Osmeña Blvd. sa eskina sa F. Gonzales St. ning Dakbayan sa Sugbo.
Mao kini ang gikabutyag sa pangu sa OBO nga si Ar. Florante Catalan nga nipadangat na sila sa makadaghan nga higayon og notice sa maong establisemento bisan sa kadtong dili pa siya mao ang labaw sa maong buhatan.
Lakip na niini nga aduna nay na-issue nga legal opinion ang City Legal Office nga nagsugyot sa Prevention, Restoration, Order, and Beautification Enhancement (PROBE) Team sa Dakbayan nga maghimo kini og “clearing order” alang sa maong estruktura.
Giklaro usab pag utro ni Catalan nga subay sa Presidential Decree 1096 (National Building Code of the Philippines), hugot nga gidili ang pagtukod og bsian unsang estruktura nga walay nigawas nga building permit. | via Bombo Irene Ardiente
