Anaa na sa Pilipinas ang usa sa mga talagsaong electric Sport Utility Vehicle (SUV) nga nagikan ang pangalan niini sa iyang modelo sa classic nga American muscle car nga tanyag para sa mga car enthusiast diin minugna sa kompanyang “Ford” nga mao ang Mustang Mach-E.
Ang maong kotse kay anaa na diri sa nasud atol sa simultaneous official launching event niini sa Manila, Pampanga, Cebu, ug Davao niadtong nakalabayng adlaw sa Biyernes, Agosto 8.
Ang 2025 model sa maong SUV kay ang pinakaunang All Electric Crossover sa auto market sa Pilipinas nga nagkantidad sa balor nga P3.5-milyones.
Pipila sa mga features niini mao ang iyang all-wheel drive setting, single-speed automatic diin gikan ang iyang kusog sa 88kWh nga battery nga ma-full charge sulod sa 11-14 ka oras gikan sa 0% capacity.
Samtang sa susamang higayon, gidunggan sab sa brand ang pag-launch nila sa laing kotse nga maoy latest model sa “Territory” hybrid-class SUV niini nga nagpasalig sa paspas ug kusog nga makina sa fuel efficient nga konsumo.
Nagduwa ang presyo sa duha ka variant sa maong SUV gikan sa P1.3-milyones ngadto sa P1.5-milyones.
