Gibasura sa Manila Prosecutors Office ang mga kasong illegal assembly batok sa 10 ka Makabayan Senatorial candidates ug 3 ka aktibista tungod sa kakuwang sa ebidensya aron mapadayon ang kaso.
Ang nasangpit nga kaso gisang-at sa Philippine National Police (PNP) niadtong Disyembre 17, 2024, nga nag-akusar sa mga respondents nga giingong nakalapas sa Batas Pambansa Bilang 880 pinaagi sa giingong wala pagpahigayon og peaceful assembly ug assault ug pinaagi sa giingong wala pagsunod sa mga awtoridad sa ilang protesta nga gilusad niadtong Bonifacio Day niadtong Nobyembre. 30 sa miaging tuig.
Apan napakyas kuno ang mga reklamante sa pagpresentar og mga ebidensiya aron pagmatuod nga dili malinawon ang maong protesta.
Matud pa usab niya nga walay ebidensya ang piskal nga nagpamatuod nga ang 10 ka senatorial candidates ug 3 ka aktibista maoy nag-organisar sa maong kalihukan.
Dugang pa niya nga walay ebidensya sa giingong mga samad nga naangkon sa mga polis. Gipahayag usab sa resolusyon nga bisan kung ang mass rally gilauman nga adunay mga hilit nga higayon sa kagubot, wala kini magpasabut nga ang kinatibuk-ang kalihokan dili malinawon.
