CEBU CITY-Nipahigayon og anti-Illegal Gambling operations activity ang Criminal Investigation and Detection Group Regional Field Unit 7 nga miresulta sa pagkasikop sa usa ka lalaki, nga nagpadagan og illegal numbers game (swertres) karung adlawa November 15, 2024.
Sa pakighinabi sa Bombo News Team kang Police Captain Fritz Blanco, ang Head Operation sa CIDG-7, nga nasakpan sa akto ang naasoy nga lalaki nga nag-isyu og lain-laing mga kombinasyon sa numero ug nagdawat og pusta nga kuwarta gikan sa wala mailhi nga bettor.
Hinungdan, nga gisikop kini, kana gumikan kay ang awtorisado lamang sa swertres dinhi sa Dakbayan sa Sugbo mao ang ‘One Paradox Gaming Corporation’ nga adunay ‘yellow booth’.
Ang pagtaya sa mga numero nga gawas sa yellow booth sa One Paradox Gaming Corporation, gikonsiderar nga ‘illigal’.
Pasakahan ang dinakpan sa paglapas sa R.A. 9287 (Illegal Numbers Game-Usher).
Gipahimangnoan sa opisyal ang mga bettor nga mopusta lamang sa mga awtorisado nga Small Town Lottery.
