Imbestigador sa kaso ni Atty. Solima mibarog nga lig-on ang ilang mga ebidensya batok sa mga suspek

Cebu – Gibarugan ni PSupt Ryan Devaras ang hepe sa Investigation, Detection and Management Branch nga dili ‘fall guy’ ang ilang nasikop tungod kay positibo kini nga giila sa mga witness.

Sigon ni Devaras nga lig-on ang ilang ebidensya tungod na usab sa nadawat nga death threat sa mga biktima nga gikan matud pa sa mga suspect.

Gihimug-atan usab ni Devaras nga basi sa mga records sa suspect nga duna nay mga kaso kaniadto, aduna gyud kini kakayahan nga mupatay.

Dugang pa ni Devaras nga normal na gyud ang alibi sa mga suspect apan padayon gihapon ang ilang further investigation kabahin niining maong kaso ilabina nga naluwas na sa makuyaw nga kahimtang ang asawa ni Atty. Solima.