Dili prayoridad sa Kamara ang impeachment complaint batok ni Presidente Ferdinand Marcos Jr.
Mao kini ang gipaambit ni House Speaker Bojie Dy III nga daghan pa ang mga problema ug isyu nga angay sulbaron sa nasud, busa angayan kini nga sulbaron una.
Gitubag sa Speaker ang mga post sa media nga nag-ingon nga si Rep. Francisco Kiko Barzaga sa Dasmari as City mopasaka og impeachment complaint batok sa Presidente.
Gipasabot ni Dy nga wala pa y nasang-at nga maong reklamo, ug busy karon ang Kamara sa ubang importanteng mga butang.
Ingon man nga misaad ang Speaker sa publiko nga ubos sa iyang pamunoan, ang Balay magpadayon sa pagtutok sa mga polisiya nga nagsuporta sa mga mag-uuma, pagpalig-on sa food security, nagpasiugda sa pagkamay-tulubagon, ug naghatag og konkretong resulta alang sa mga Pilipino.
Samtang, mipadayag usab og pamahayag si House Deputy Speaker Ronaldo Puno kalabot sa maong hisgutanan nga walay basehanan ang pag-impeach sa Presidente ilabi na kay lig-on ang iyang liderato.
Nagduda usab si Puno kon aduna bay mosuporta sa lakang ni Barzaga.
Hinuon gitataw ni Puno nga gawasnon si Barzaga sa pagpasaka og impeachment complaint.
