Opisyal nga gisang-at ang usa ka reklamo sa impeachment batok kang President Ferdinand Marcos Jr. sa House of Representatives karong adlawa, Lunes, Enero 19, 2026.
Ang maong reklamo giduso ni Atty. Andre de Jesus, usa ka private lawyer, ug gi-endorso ni Deputy Minority Leader ug Pusong Pinoy Party-list Representative Jernie Jett Nisay.
Gikumpirma ni Rep. Nisay ang malampusong pagsumite sa dokumento ngadto sa Office of the Secretary General sa Ubos Balay-Balaoraanan.
Nag-ugat ang reklamo sa mga pasangil sa kalapasan sa balaod nga nalambigit sa paggamit, awtorisasyon, ug disbursement sa mga unprogrammed funds ubos sa administrasyong Marcos.
Gipunting sa reklamo nga adunay kwestyonableng pamaagi sa pagpagawas sa maong pundo nga supak matud pa sa gitakda sa konstitusyon.
Sumala sa mga opisyal sa House of Representatives, ipaubos una ang reklamo sa hugot nga beripikasyon aron masusi ang “form and substance” niini.
Kon makapasar, i-refer kini ngadto sa House Committee on Justice aron sugdan ang pormal nga pagdungog subay sa mga pamaagi nga gilatid sa balaod.
Sa pagkakaron, nagpabiling hilom ang Malacañang ug wala pa mopagawas og opisyal nga tubag si President Marcos Jr. mahitungod sa maong lakang sa impeachment.
