Nag-atubang karon og mga reklamo ang duha ka mga lider sa nasud nga Pilipinas nga sila si Presidente Ferdinand Marcos Jr. ug Vice Presidente Sara Duterte, diin dili ikalimod nga pipila ka mga gingsakopan, nabalaka og unsay dagan niini nga administrasyon.
Sa gikabutyag ni Dr. Christopher Ryan Maboloc, Political Analyst, Ateneo De Davao University, iyang nakita nga sa kining mga giatubang karon sa Presidente ug Bise Presidente usa ka normal ug typical nga lakang sa demokrasya nga adunay panghitabo susama niini.
Sa pakighinabi sa Bombo Radyo Cebu Newsteam kaniya, siya miingun nga kung basehan kining sa impeachment complaint ni Presidente Marcos, daw normal lang kini kay sayod man ang kadaghanan nga siya ang nagkupot sa mayorya sa kongresiso, nga nagpasabot nga walay igong posibilidad nga ma impeach kini.
Samtang sa Bise Presidente, ang iyahang mga kaatbang mopabilin man ang tinguha nga ma impeach kini sa iyang katungdanan, kay matod ni Maboloc, si VP Duterte maoy babag sa mga plano sa kaatbang niini ig 2028.
Gumikan niana, gitataw ni Maboloc nga dili nani bag-o sa nasud nga Pilipinas nga adunay kasikas sa politika, ug padayon gihapon nga nagduko ang gisakopan sa tagsa-tagsa ka panginabuhian.
Apan wala gikasalikway ni Maboloc nga makita sa ekonomiya nga adunay kalisud nga makab-ot ang vision para sa mga filipino nga molambo ug mo-usad ang panginabuhian sa matag usa.
