Mahimong modesisyon ang Senate impeachment court pinaagi sa simple majority vote kong ibasura ba ang impeachment case batok kang Bise Presidente Sara Duterte.
Senate President ug Impeachment Court Presiding Officer Chiz Escudero niingon nga ang bisan unsang mosyon nga ipasaka kinahanglang desisyonan pinaagi sa simple majority votes.
Dugang ni Escudero, posible usab nga mabasura ang kasong impeachment batok kang VP Sara base lang sa tubag nga ad cautelam nga gisumite sa kampo ni Duterte, diin, giinsister usab niya nga dili alang kaniya ang pagkomento sa tubag sa bise presidente nga ad cautelam.
Kini human namahayag si VP nga dili siya angay pugson pagtubag sa mga alegasyon o mga kaso nga anaa sa verified impeachment complaint human kini ibalik sa Kamara.
Samtang, sa dihang gipangutana kung posible ba nga ma-dismiss ang kaso nga dili moagi sa pormal nga pagsulay, nisanong kini.
Matud pa niya nga bisan kinsa nga sakop sa korte mahimo nga moduso og motion to convict Duterte, ug sama sa motion to dismiss the case, ipaubos usab kini sa boto.
Una nang niinsister si Escudero nga wala mawad-i og jurisdiction ang impeachment court bisan og gibalik sa Kamara ang impeachment complaint batok ni Duterte. | Bombo Irene Ardiente
