CEBU CITY- Gipasalig sa bag-ong administrasyon sa dakbayan sa Sugbo ang kaluwasan ug komportabli nga pagsakay sa mga BPO worker.
Mao kini ang gipaambit ni Cebu City Mayor Nestor Archival kauban nila ni Cebu City Mayor Tommy Osmeña, nga maoy nagpasiugda niini ug uban pang opisyales sa kagamhanan sa Sugbo atol sa inagurasyon sa Free Shuttle Bus nga gipahigayon sa Labangon Barangay Hall.
Kini nga inisyatiba kabahin sa “Mayor of the Night” nga programa, nga nagtinguha sa pagsulbad sa transportasyon ug uban pang mga hagit nga giatubang sa mga night shift worker.
Diin ang ruta sa shuttle kay gikan sa Labangon Barangay Hall paingon sa Cebu Business Park ug IT Park.
Ingon man nga mangolekta usab og feedback ang kagamhanan aron sa pagpalambo usab sa mga serbisyo alang kanila.
Giklaro usab sa mayor nga ang maong programa kay wala nagtinguha nga makigkompetensya sa ubang franchise buses hinungdan nga gipadagan nila kini sa oras nga dyutay nalang ang mobyahe nga mga sakyanan.
Busa, nanghinaot usab kini nga ang unang higayon nga nahitabo sa dakbayan kay magpadayon ug makatabang sa mga night shift worker.
