Cebu City- Dili mutoo ang inahan ni Myles Albasin ang former Anakbayan Cebu Secretary General ug gitoohang miyembro sa NPA nga nakuhaan pa og armas ug mga explosive device didto sa lungsod sa Mabinay Negros Oriental niadtong Marso 3 nga ang anak niya usa ka terrorista.
Matud ni Grace Albasin ang inahan ni Myles nga nakaila siya sa iyang anak ug dako ang iyang pagtoo nga planted lang ang mga naasoy nga armas tungod matud niya dili kamao ang iyang anak nga mugamit niini.
Apan hinoon, iyang gi-ankon nga sukad pa nga nagtungha kini usa ka kini ka aktibista. Apan matud pa nga kanunay kini nga mananghid niya nga kung kini mulakaw mao nga kabisado niini matud pa ang tanang lihok ni Myles.
Gani, niadtong adlaw nga nahitabo ang giingong engkwentro, nananghid pa niya kini kay mag emersion sila sa Mabinay, Negros.
Sa karon aduna nay abogado sila si Grace para sa kaso ni Myles aron usab nga mapamatud-an nga dili kini NPA.
Gihimug-atan usab niini nga posibleng gihimo kini ngadto sa iyang anak para mapa-undang ang mga aktibista ilabina ang kadtong mga batan-on sa ilang pagprotesta.
Samtang gikondenar usab sa Anakbayan partylist ug sa lain pang aktibista ang nahitabo kang Myles ug sa mga kaubanan pa niini.Matud nila nga usa kini ka desperadong aksyon para babagan ang ilang protest movement batok sa Duterte Administrasyon.
Nagtoo usab sila nga usa kini ka fake encounter.
Subay pa niini, giingong usab sa University of the Philippines (UP) nga dili sila ang breeding ground sa rebelyon apan ang komplikado nga sistema ang tinood nga rebelyon.
