Mapa-tawo o mananap man, ang gugma sa usa ka inahan kay dili gayud masukod.
Mao kini ang gipakita sa usa ka inahang iro nga walay pagduhaduha nga milayat sa kusog nga pag-dagayday sa tubig baha aron sa pagluwas sa iyang mga anak nga itoy.
Singgit sa mga tawo ug bakho ang madungog sa nag-viral nga video tungod sa talagsaon hilabi na nga paspas ang dagan sa tubig.
Giila ang brave fur mom nga si Sasha nga adunay 6 ka mga itoy, ug sa dihang kuwang og 1 ang iyang nadala kay nibalik kini sa baha bisan paman nga nagkurog na ang iyang mga gagmay nga batiis.
Gisuwayan og pugong sa mga rescue team si Sasha apan wala kini nagpapugong ug naanod pa kini sa baha hinungdan nga daling milayat ang usa ka rescuer og gikuha si Sasha bitbit na ang ika 6 nga itoy.
Mas nitandog pa sa kasing-kasing sa mga nakasaksi sa dihang nakita nila nga daw naghilak ang iro tungod sa kakapoy ug kakulba nga nahilayo kini sa iyang mga anak.
Sa pagkakaron, adunay magtiayon nga misagop sa mag-inahang iro ug nisaad nga dili na mabalik ang nahitabo nila kang Sasha.
