CEBU CITY-Patay ang usa ka incumbent councilor sa Brgy. San Isidro lungsod sa San Fernando nga si councilotr Neil Cañete,46 anyos human nga gipusil sa wala pa mailhing mamumuno.
Matud ni SPO3 Romel Bancog ang imbestigador nga basi sa ilang imbestigasyon, gikan nga nagsnack ang konsehal ug ang iyang kauban nga si Enricclint Alduiso ug sa dihang pagawas na sila sa parking area samtang nag maneuver sa iyang sakyanan ang biktima gidool kini sa mamumuno og gipusil.
Dali usab dayon matud pa nga miikyas ang suspect sakay ang usa ka get away vehicle.Naigo sa ulo ang biktima nga maoy hinungdan sa iyang hinanaling kamatayon samtang naigo sa too nga bukton ang iyang kauban nga karon naa sa luwas nga kahimtang.
Nasayran nga si Cañete sakop ni Franz Sabalones ang self confessed drug Lord sa Central Visayas.Duha ka motibo ang gilantaw karon sa kapulisan, kini may labot sa iligal nga drogas o personal grudge.
Samtang padayon pa nila nga giila og gipangita ang repsonsable sa maong pagpamusil.
