Malampuson nga gilusad ang Axiom-4 (Ax-4) mission gikan sa Kennedy Space Center sa Florida, nga nagpadala sa usa ka representante sa India ngadto sa kawanangan.
Gipakita niini ang piloto nga Kapitan sa Grupo nga si Shubhanshu Shukla, ang ikaduhang Indian nga nakaabot sa kawanangan, ug ang unang Indian nga mibisita sa International Space Station (ISS).
Si Shukla kabahin sa upat ka tawo nga tripulante nga naglakip usab sa mga astronaut gikan sa Poland ug Hungary – mga nasud nga mibalik sa eksplorasyon sa kawanangan human sa kapin sa upat ka dekada.
Ingon man nga nangulo sa naasoy nga mission ang beteranong astronaut nga si Peggy Whitson, kanhi komandante sa ISS.
Nahibal-an nga ang Axiom-4 usa ka komersyal nga paglupad nga gipadagan sa pribadong kompanya nga Axiom Space, kauban ang NASA, SpaceX, ISRO sa India, ug European Space Agency.
Sumala sa Indian Space Research Organization (ISRO), kini nga kasinatian mahimong hinungdanon sa pag-andam alang sa una nga tripulante sa spaceflight sa India sa 2027, mga plano alang sa kaugalingon nga estasyon sa kawanangan sa 2035, ug usa ka nasudnon nga misyon sa bulan sa 2040.
Nasayran usab nga ang India nibayad og 5 bilyones rupees o gibana-bana nga P3.9 bilyones.
