INTERNATIONAL NEWS- Misaka na sa kapin sa 300 ang ihap sa namatay ug labaw pa sa 900 ang nasamdan sa aksidente sa Odisha sa silangang India diin tulo ka mga tren ang nalambigit.
Sa pakighinabi sa Bombo-Newsteam kang Christina Andales, ang Bombo International sa Nasud nga India, gibutyag niini nga nisaka na ang ihap sa mga nangamatay ngadtu sa 300 kapin.
Hinungdan nga nag deklara ang Prime Minister sa India nga si Narendra Modi og ‘Day of Mourning’ ug gikanselar ang tanang mga cultural nga kalingawan.
Dugang pa niini, nga sa kasamtangan padayun pa ang pagsuta sa mga awtoridad kung pila ang sakay sa duha ka mga pasahero-an nga tren ug usa ka tren nga nagdala og mga produkto.
Kini gumikan kay walay detalye o record sa mga tawo nga sakay sa maong mga tren, kay sa pagpalit sa ticket walay gipanghatag nga identification, butang nga dili pa usab masuta kung aduna bay mga pinoy nga naapil sa disgrasya.
Gitino niini, nga naglisud ang Gobyerno sa India ug pag-ila sa mga nisakay ug kinahanglan pa nga e authopsy ang mga patayng lawas arun mahatud sa ilahang tagsa-tagsa ka mga pamilya.
Sa pagkakarun padayun pa ang gihimo nga imbistigasyon sa mga authoridad arun sa pagsuta kung nganung nadiskarel ang maong tren.
Una nang gibutyag sa Prime Minister nga lauman ang pagsaka sa ihap sa mga casualties, gumikan sa kakusog sa impak.
