Usa ka lalaki nga Indian national ang namatay human makasaka sa Mt Everest, sumala sa iyang expedition organizer nga nahimong ikaduhang patay sa climbing season karong tuiga sa pinakataas nga bukid sa kalibutan human sa kamatayon sa usa ka Filipino climber.
Giila kini nga si Subrata Ghosh, 45-anyos nga nakaabot sa kinatumyan sa 8,849-meters nga peak niadtong Huwebes apan namatay mga 50 meters ubos sa summit samtang mikanaog na kini.
Gikatahong si Ghosh gikan sa Indian state sa West Bengal, nga kasikbit sa nga nasud sa Bangladesh.
Ang mga dapit nga labaw sa 8,000 metros kay giilang “death zone” tungod kay ang nipis nga hangin ug ubos nga lebel sa oxygen kay nagpataas sa peligro sa altitude sickness.
Kahinumduman nga usa ka Filipino climber sa samang team nga ang 45-anyos nga si Philipp “PJ” Santiago II ang namatay niadtong Miyerkules sa iyang pagpaingon sa summit.
