METRO MANILA-Makadawat ang mga kabus nga senior citizens sa ilang social pension kada buwan, matag 2 ka bulan o quarterly ug dili na matag 6 ka bulan sumala sa Department of Social Welfare and Development.
Sa memorandum circular nga gitumong ngadto sa tanang regional directors, gibutyag ni DSWD Sec. Rex Gatchalian nga dili na tugotan ang pagbayad sa semestral sugod sa Hulyo 1 sa kasamtangang tuig.
Kalabot niini, ang tanang DSWD Field Offices gimanduan sa pagsunod sa bag-ong social pension granting schedule.
Ang memo usab nag-ingon nga ang binuwan nga social pension mahimong ma-exempt kung ang kadaghanan sa mga benepisyaryo nagpuyo sa hilit nga mga lugar o kung ang usa ka probinsya, lungsod o gipabos sa state of calamity o nakasinati og armadong panagbangi ingon man ang uban pang dili kontroladong mga sitwasyon nga ipaubos sa validation sa mga field office.
Ubos sa Republic Act 11916, mandatory ang mga indigent senior citizen nga makadawat og P1,000 gikan sa kanhing P500 nga nahimong epektibo niadtong Enero 2024.
