Gikompirmar sa Philippine Statistics Authority (PSA) ang nga adunay gamay nga pagsaka sa inflation rate sa Pilipinas niadtong Septiyembre.
Base sa taho nga gipagawas ni PSA National Statistician ug Undersecretary nga si Dennis Mapa, gipahibalo nga nisaka ngadto sa 1.7 porsiyento ang inflation rate niadtong Septiyembre.
Mas taas kini sa 1.5 porsyento nga natala niadtong Agosto.
Nag-unang rason sa pagsaka sa inflation mao ang paspas nga paglihok sa presyo sa mga produktong petrolyo sama sa gasolina ug diesel.
Dugang niini, nisaka usab ang presyo sa mga utanon, partikular na ang kamatis, nga nakatampo usab sa pagsaka sa inflation.
Gawas sa kamatis, natala usab ang pagsaka sa presyo sa mantika. Sa laing bahin, mius-os ang inflation rate sa pipila ka produkto sama sa baboy, isda, ug itlog.
Ang PSA miingon usab nga ang average inflation rate nagpabilin sa 1.7 porsyento.
