Misaka ngadto sa 2.4% ang inflation rate sa nasud niadtong Pebrero 2026, sumala sa report sa Philippine Statistics Authority (PSA).
Kini ang pinakapaspas nga pagtaas sulod sa 13 ka bulan, mas taas kay sa 2.0% niadtong Enero 2026 ug 2.1% niadtong Pebrero 2025.
Sumala sa PSA, ang pangunang hinungdan sa inflation mao ang mas paspas nga pagtaas sa presyo sa pagkaon ug mga ilimnon nga dili makahubog, nga adunay 29.5% nga bahin sa kinatibuk-ang inflation.
Nisaka usab ang mga presyo sa pabalay ug mga utilities (3.5%), mga restawran ug serbisyo sa akomodasyon (4.4%), kalingawan, isports, ug kultura (4.3%), ug panglawas (3.2%).
Ang core inflation anaa sa 2.9%, mas taas kay sa 2.8% niadtong Enero.
Samtang, ang inflation sa pagkaon anaa sa 1.6%, mas taas kay sa 0.7% sa miaging bulan, apan mas ubos kay sa 2.6% sa Pebrero 2025.
Ang presyo sa bugas (3.4%), mais, harina, isda, seafood, mga produkto sa gatas, prutas, nuts, ug mga utanon misaka usab.
Mikunhod usab ang presyo sa oils and fats, ug ready-made foods
Samtang, ang transport index nagpakita og tinuig nga pagkunhod nga -0.3%.
Bisan pa, sumala ni National Statistician Claire Dennis Mapa, ang inflation sa transportasyon gilauman nga mosaka pag-usab sa Marso tungod sa panagbangi sa Middle East nga hinungdan sa pagkausab-usab sa mga merkado sa lana sa kalibutan.
