CEBU CITY-Gipanglantawan sa Cebu City Anti-Mendicancy Board (CCAMB) sa kagamhanang dakbayan sa Sugbo ang Information and Education Campaign niini sa pag-abli sa semana atol sa panagtigom niini niadtong Biyernes, Oktubre 25, 2024.
Gisabutan sa kadagkoan sa CCAMB nga sa umaabot Lunes, Oktubre 28, magsugod kini sa Information and Education Campaign alang sa pag-rescue sa makililimos sa kadalanan ug pagdakop sa mohatag.
Subay kini sa ordinansa sa dakbayan nga Cebu City Ordinance no. 1631 o Anti-Mendicancy Ordinance nga nagsilot sa mga madakpan nga manghatag sa mga manglilimos sa kadalanan og P500.
Mahimo kining mudakop sa mga indibidwal, grupo, o mga institusyon nga mihatag tungod kay nalooy sa nanlimos.
Nagtumong kini sa pagminus og ingon man sa hingpit nang paghipos sa mga libud-suroy sa kadalanan nga hilabihang gipanghimoslan ang humok nga kasing-kasing sa publiko sa ilang risgong pakililimos sa kadalanan.
Gidasig sa CCAMB ng akung mahimong idonar sa mga lehitong ahensya sa gobyerno og non-profit organizations ang hinabang aron sa mga hapyas og organisadong pagtabang niini.
Ang mga campaign aterials ipakatap sa mga pampublikong sakayan sa dakbayan aron hingpit nga pagpahibalo sa publiko.
