Inila nga kritiko ni Trump, gitudlo ni Pope Francis nga arsobispo sa Washington DC

Gitudlo ni Pope Francis si Cardinal Robert McElroy isip bag-ong arsobispo sa Washington D.C.

Ang kardinal nailhan nga tigpanalipod sa mga migrante ug usa ka kritiko ni US President-elect Donald Trump.

Ang 70-anyos nga Cardinal usa ka mainitong tigpaluyo sa Santo Papa sa iyang pagdepensa sa mga refugee, kinaiyahan ug pagdawat sa mga miyembro sa LGBTQ nga mga Katoliko.

Iyang ilisan si Cardinal Wilton Gregory, 77-anyos ang unang African-American Archbishop sa Washington D.C.

Sa samang higayon, gitudlo sa Santo Papa ang unang babaye nga lider sa departamento sa Vatican, si Sister Simona Brambilla, nga mahimong prefect sa relihiyoso nga buhatan sa Holy See nga adunay responsibilidad sa mga madre, monghe ug prayle.