MANDAUE CITY-Padayun karon nga gisuta sa kadagkuan sa Mandaue City Jail kung gipusil o gidunggab ang usa ka piniriso nga misangpot sa kamatayon niini.
Giila ang biktima nga si Romy Ramas, 33 anyus nga taga Barangay Ermita kinsang naprisu kaniadtu pang tuig 2017 gumikan sa kasong kalapasan sa RA 9165.
Gisaysay sa Assistant Jail Warden, Mark Toñacao, nga igu na lang kini nga nakadawat og tawag sa radyo nagpahibalu sa maong panghitabu.
Matud ni Toñacao nga wala may komosyon nga nahitabu ug igu lang nga nagduwa ug basketball ang biktima sulud sa prisuhan.
Sigon pa nga posibling gi-ataki kini sa kauban nga pinirisu ug didtu nahitabu ang krimen.
Basi usab sa pamahayag sa mga residente nga nagpuyu du-ul sa maong prisuhan nga nakadungug kini sila ug buto-buto gikan sa nahisgutang pasilidad ug gani aduna pa’y panimalay nga naigu sa bala.
Gituhu-an nga tawu si Ramas ni Steve Go kinsang gipatay usab sa kauban niini nga pinirisu sa nahisgutang pasilidad.
Samtang, naka-red alert karun ang Mandaue City Jail ug gisuspenso na una ang dalaw sa maong pasilidad. (SBR)
