CEBU CITY-Nangahadlok ang mgapiniriso sa Cebu City Jail nga basin ug mahisusama sila sa 3 ka mga inmates sa Talisay City jail nga gibanhigan hinungdan sa ilang kamatayon.
Kini maoy gikumpirmar ni Cebu City Councilor Dave Tumulak ug sa susamang higayon ang Deputy for Police Matters human sa iyahang pagbisita mismo sa cuty Jail.
Gibutyag sa Konsehal nga nakadawat siya ug mensahe kabahin sa pipila ka mga piniriso nga nahadlkok na nga mutambong sa ilang hearing kay basin ug banhigan sab sila.
Nasayran nga kadaghanan sa mga piniriso sa Cebu City Jail ang dunay kasong kabahin sa iligal nga drogas .
Gumikan niini nagpakitabang si Tumulak ngadto sa Cebu City Police nga kung mahimo mag deploy ug PNP aron dunay police visibility hilabio na sa ruta nga maagianan sa mga inmates gikan sa city jail paingon sa Quimonda Court.
