Inoue nagpabiling undefeated, gipildi si Nakatani sa unanimous decision

Nagpabilin nga wala pa gihapoy pildi ang Japanese boxing star nga si Naoya Inoue.

Kini human niya mapildi ang iyang kababayang si Junto Nakatani pinaagi sa unanimous decision.

Gipakita ni Inoue ang iyang kusog atubangan sa kapin 55,000 ka mga fans sa usa ka sold-out nga Tokyo Dome.

Napadayon ni Inoue ang iyang undisputed super bantamweight titles, nga nagpalig-on pa sa iyang dominasyon sa maong dibisyon.

Ang 33-anyos nga si Inoue karon adunay 33 ka away nga wala mapildi, lakip ang 27 ka knockout.

Kini ang ikapitong higayon nga malampuson niyang nadepensahan ang iyang titulo.