CEBU CITY-Nipahigayon og ikaduha nga Inter-Agency Coordination Meeting alang sa umaabot nga pre-fiesta activities sa 459th Fiesta Senor karong Enero 4-10, 2024 nga may tema nga Sto Nino; Magnet of Love in the Synodal Church.
Sugdan ang pre-fiesta activities pinaagi sa pagbisita sa imahen sa Sto Nino de Cebu sa mga prisohan og mga pinili nga mga ospital sa Cebu City, Talisay City, og Mandaue City.
Ang rota sa prosisyon sa fiesta senor 2024 mahimong taas gumikan nga dili na magamit ang Fuente Osmena ngadto na sa Natalio Bacalso Avenue tungod sa nagpadayung construction sa BRT project.
Mo-abot sa 6.4 kilometros ang “solemn foot procession” sa sunod tuig itandi sa 5.4 kilometros niadtong buwan sa Enero ning tuiga.
Gikan sa Basilica del Sto Nino mo-left turn sa likod sa Basilica, right turn sa Magallanes ngadto na sa Borromeo St, right turn ngadto sa Leon Kilat Street, left turn sa Alcantara St, right turn ngadto sa V. Rama Avenue, right turn sa B Rodriguez ngadto na sa Gen Maxilom Avenue, right turn sa F. Ramos, og mosubay na sa rota nga agian sa Walk With Jesus.
Ang Penitential Walk With Jesus sa Enero 11, 2024 magsugod sa Robinsons Fuente, ngadto sa F. Ramos, Colon, Osmena Blvd balik na ngadto sa Basilica.
Samtang sa Walk With Mary gikan sa Archdiocesan Shrine of Our Lady of Guadalupe padulong sa V Rama, left turn sa B. Rodriguez. Ang convergence sa Robinsons Fuente Gen Maxilom, right turn sa Ramos, padulong sa Jungquera Colon balik sa Basilica.
