Gimandoan sa International Court of Justice (ICJ) ang Israel nga hunongon dayon ang mga operasyong militar niini sa Rafah City sa Gaza.
Ang maong hukom maoy tubag sa pagpasaka sa South Africa niadtong Domingo sa mga proceedings diin giakusahan ang Israel sa genocide.
Sa gipagawas nga hukom sa korte ni presiding judge Nawaz Salam, ang Israel kinahanglan nga mohunong sa iyang opensiba ug pipila ka mga pag-atake sa Rafah nga maoy hinungdan sa pagkaguba sa Palestine ug kini makonsiderar nga usa ka matang sa genocide ubos sa internasyonal nga balaod.
Ingon man nga kusganong gihimakak sa Israel ang nasangpit nga pasangil ug dili sila mosunod sa mando sa pagpahunong sa ilang operasyon.
Giabiabi sa Hamas kini nga lakang sa International Court of Justice nga kinahanglan nga hingpit na kini mohunong sa pag-atake sa Rafah.
