Aduna ba kay gilikayan nga tawo gumikan kay… utangan ka, naay atraso, o ganahan lang ka maglikay-likay?
Adunay butang nga angayan niyong gamiton aron mamahimo kang ma-invisible.
Tinuod gyud ang inyong nadungog, mga ka-Bombo… Pwede gyud mong ma-invisible gamit ang usa ka tela.
Posibleng ma-invisible ang usa ka tawo pinaagi sa gitawag nga “invisible cloak.”
Gipakita sa Canadian company nga Hyperstealth ang materyales diin pwede gyud nga mawala ang usa ka tawo apan makit-an gihapon ang background o ang luyo niini.
Walay magic o gahum ang nagpaluyo sa “inivisibility cloak” diin pwede kining gamiton aron motago ang usa ka tawo.
Mahimong gamiton ang maong panapton aron taguon ang usa ka butang o di ba kaha mga sakyanan.
Naglaum ang kompaniya nga nagpaluyo sa gitawag nilang “Quantum Stealth” material nga magamit kini sa military ug police operations, o bisan pa man sa pagtago sa mga gamit nga dili gustong makita sa mga bisita. (Reuters)
