-- ADVERTISEMENT --
Napili isip bag-ong presidente sa International Olympic Committee (IOC) si Kirsty Coventry.
Siya ang ika-10 nga presidente ug ang unang babaye ug African nga napili sa posisyon.
Ang 41-anyos nga si Coventry kay midaog batok sa laing 7 ka mga kandidato alang sa pagkapangulo sa IOC.
Siya usab ang gikonsiderar nga pinakabata nga nakahupot sa maong posisyon.
Siya pormal nga molingkod sa katungdanan karong Hunyo 24 tungod sa pagluwat sa kasamtangang presidente sa IOC nga si Thomas Bach human sa 12 ka tuig sa katungdanan.
-- ADVERTISEMENT --
Usa ka swimmer gikan sa Zimbabwe si Coventry diin nakadaog siya og pito ka medalya sa Olympics.
Sa 2004 Olympics sa Athens, nakadaog siya og tulo ka medalya lakip ang usa ka gold medal sa 200 meters backstroke.
