Nagpasidaan ang foreign minister sa Iran nga andam kini nga motubag sa bisan unsang agresibo nga operasyon militar sa US.
Sa usa ka pahayag, gipasiugda sa labing taas nga diplomat sa nasud nga si Abbas Araghchi nga andam sila nga mobira sa gatilyo isip panimalos ug tubag kung adunay pagsulong o operasyon militar.
Kahinumduman, unang nipahibalo si US Presidente Donald Trump nga ang ‘dakong armada’ sa US nga gilangkuban sa mga barkong pandagat paingon sa kadagatan sa Iran.
Dugang ni Araghchi nga andam sila nga tapuson dayon ang ilang mga misyon. Wala usab nila gisalikway ang paggamit sa ‘kapintasan’ kung kinahanglan.
Apan gipasalig niini nga ang Iran motubag nga adunay susama nga kusog sa bisan unsang kapintasan nga gihimo sa US batok sa nasud.
Bisan pa niini, gipasalig sa opisyal sa Iran ang kaandam niini sa pagtubag sa usa ka ‘patas ug sinsero nga kasabutan sa nuclear nga makabenepisyo sa US ug Iran, nga dili mogamit ug kapintasan.
Giinsistir usab sa opisyal sa Iran nga abli gihapon kini sa bisan unsang pakigsabot sa US nga dili mogamit ug pagpugos, puwersa, hulga, ug uban pang porma sa kapintasan.
