Mibalos ang Islamic Revolutionary Guard Corps (IRGC) sa Iran pinaagi sa pag-atake sa usa ka US air base, bisan pa man kung wala gibutyag ang eksaktong lokasyon niini.
Kini gisundan sa naunang pag-atake sa Estados Unidos sa mga military site sa Iran didto sa Bandar Abbas, usa ka strategic port city.
Samtang, ang nasod sa Kuwait, nga nag-host usab og US air base, mipahayag nga ang ilang mga air-defense system naka-intercept og mga missile ug drone gikan sa kaaway, apan wala gisulti kung diin kini dapit gikan.
Ang mingsulbong nga tensyon tali sa duha ka nasod nagpahuyang pa sa kasamtangang gipatuman nga ceasefire.
Kini na ang ikaduhang higayon sulod sa tulo ka adlaw nga ang US naglunsad og sunod-sunod nga pag-atake sa mga target sa Iran, diin gipadayag sa Amerika nga usa lamang kini ka porma sa pagdepensa sa kaugalingon o self-defense.
