Gikumpirma sa Israel nga naigo niini ang duha ka nuclear facilities sa Iran pipila ka oras human kini mipahimangno sa dugang nga pagpalapad sa mga pag-atake niini batok sa Islamic country.
Sumala sa Atomic Energy Organization sa Iran, target sa mga pag-atake ang Shahid Khondab Heavy Water Complex sa Arak ug ang Ardakan yellowcake production plant sa Yazd Province.
Gibutyag nga walay natalang namatay sa maong mga pag-atake ug wala usab kini naghatag og hulga sa kontaminasyon.
Ang pasilidad sa Arak wala na magamit sukad giatake kini sa Israel niadtong Hunyo, samtang ang yArdakan yellowcake production plant giproseso aron tangtangon ang mga hugaw gikan sa raw ore.
Samtang, diha-diha dayong naghulga ang Iran og pagbalos.
Kung diin, miingon si Iranian Foreign Minister Abbas Araghchi, nga magbayad og “dakong presyo” ang Israel alang sa giingong mga krimen niini.
Sa laing bahin, giingon sa Iran nga nakatarget usab ang ilang pag-atake sa usa ka base militar sa Estados Unidos sa Saudi Arabia.
Ang pag-atake sa Prince Sultan Air Base nakapahinabo og kadaot diin naangol ang 10 American troops, lakip ang duha nga anaa sa kritikal nga kahimtang, sumala sa duha ka opisyal sa US nga pamilyar sa sitwasyon.
Dugang pa, daghang mga refueling aircraft ang nadaot sa maong pag-atake.
