Nagkauyon sa duha ka semana nga “conditional ceasefire”ug ang pag-abli sa Strait of Hormuz.
Kini gikumpirmar sa Pakistan, nga nagsilbing tigpataliwala, sa kasabutan ug nagdapit sa Iran ug US nga magpulong sa Islamabad sa Biyernes, Abril 10, aron makab-ot ang usa ka conclusive agreement aron masulbad ang tanan nga mga panagbangi.
Sumala sa Prime Minister sa Pakistan nga si Shehbaz Sharif, ang ceasefire gipatuman dayon pipila ka minuto sa wala pa matapos ang gikatakda nga oras ni US President Donald Trump.
Base sa usa ka report sa estado sa Iran, nga nagmando ang bag-ong Supreme Leader sa Iran sa tanan nga mga military unit nga hunongon ang mga pag-atake.
Sa 10-point nga plano sa Iran, gikataho nga miuyon ang US nga sigurohon nga ang agresyon batok sa Iran dili na masubli, ang padayon nga pagkontrol sa Iran sa Strait of Hormuz, pagdawat sa uranium enrichment, pagtangtang sa tanan nga primary og secondary sanctions sa Iran, pagtapos sa tanan nga mga resolusyon sa UN Security Council ug sa International Atomic Energy Agency, pagbayad sa kompensasyon sa Iran, pag-atras sa mga US combat forces gikan sa rehiyon, ug paghunong sa gubat sa tanan nga mga nataran sa Iran lakip ang Islamic resistance sa Lebanon.
