Gipanghimakak sa Iranian Foreign Minister nga si Abbas Araghchi nga misugyot sila og ceasefire.
Mibutyag siya nga wala sila nanawagan og bisan unsang negosasyon tungod sa mga pag-atake nga gihimo sa Israel ug US.
Sigon ni Araghchi nga wala silay nakitang rason aron makighinabi sa Estadus Unidos.
Giinsistir niini nga samtang naghinabi sila, ang US nakahukom nga atakehon sila.
Mibutyag sila nga andam silang depensahan ang ilang interest gikan sa gubat nga gipili ni US President Donald Trump.
Dugang usab niini nga ang Iran abli sa mga pakigsabot sa mga nasud alang sa ilang luwas nga pag-agi sa Strait of Hormuz.
Daghang mga nasud ang miduol usab kanila aron masiguro nga luwas ang ilang mga barko gikan sa bisan unsang pag-atake.
Gihimug-atan niini nga ang Iran wala nay dugang nga plano nga buhion pag-usab ang programa sa nukleyar niini.
Samtang sa pikas bahin, nag-abut sila si US President Donald Trump ug British Prime Minister Keir Starmer ug gihisgutan niini ang kamahinungdanon sa pag-abli sa Strait of Hormuz.
Sumala sa Downing Street, pipila ka mga isyu nga may kalabotan sa gubat sa Middle East ang ilang gihisgutan.
Una nang giawhag ni Trump ang China, Japan, France, South Korea ug Britain nga magpadala og mga warships aron matabangan ang US sa Strait of Hormuz.
