Nakuha ni Irha Mel Alfeche sa Matanao, Davao del Sur ang korona sa Miss Philippines Earth sa seremonyas nga gipahigayon gabii sa Bukidnon.
Gibalhin ni Yllana Marie Aduana ang korona ngadto kang Alfeche, isip kabahin sa naandang pamaagi.
Misalmot usab sa maong kalihukan sila si 2023 Miss Earth Drita Ziri gikan sa Albania, Miss Earth-Water Do Thi Lan Ahn gikan sa Vietnam, ug Miss Earth-Fire Cora Bliault gikan sa Thailand.
Nasayran nga nakaabot si Aduana sa international competition, diin nakadaog siya og Miss Earth-Air.
Gipildi sa bag-ong reyna ang laing 28 ka mga aspirante sa katapusang kompetisyon.
Sa wala pa niini, adunay mga auxiliary nga kalihokan nga gipahigayon sa lungsod sa Malitbog ug Iligan City, ingon man sa ubang bahin sa Mindanao.
Gawas sa main winner, upat usab ka bag-ong “elemental” nga mga reyna ang gikoronahan—Miss Philippines-Air Feliz Recentes sa Sindangan, Zamboanga del Norte; Miss Philippines-Water Samantha Bugos gikan sa Baco, Oriental Mindoro; Miss Philippines-Fire Kia Labiano gikan sa Titay, Zamboanga Sibugay; ug, Miss Philippines Ecotourism Ira Patricia Malaluan gikan sa Batangas City.
Si Alfeche maoy morepresentar sa Pilipinas sa 24th Miss Earth pageant nga ipahigayon sa Vietnam sa ulahing bahin niining tuiga, ug maninguha nga mahimong ikalima nga Pinay nga makadala sa international title.
