Nakurat ang mga bisita sa 27th Asian Pet Show nga gipahigayon sa Shanghai, China tungod sa gipa-apil nga usa ka Mexican dog na duna’y tattoo ang tibuok likod niini.
Paspas nga mikatap sa Chinese social media, ang mga hulagway sa maong iro binilin ang mga hulagway sa Asian Pet Show nga gipahigayon sa Shanghai New International Expo Center kondiin ang mga iro maoy apil sa pinakasikat nga atraksyon.
Mapasigarbuhon pa nga gipakita sa tag-iya niini ang artwork sa iyang likod nga nagkumpirmang tinuod ang tattoo ug gipanghinambog pa nga wala kini gamiti og anesthesia tungod sa giingong kataas sa tolerance niini sa sakit.
Ingon man nga nakausbaw usab kini sa kalagaot sa mga animal lovers, kondiin daghan ang mi-demand og apology gikan sa tag-iya ug nangayo usab sila og pagpasabot gikan sa organizer niini.
