Nahuman sa ika-13 nga pwesto sa fencing tournament si Bruce Dickinson, kinsang nanguna nga vocalist sa legendary heavy metal band nga Iron Maiden nga gipahigayon sa France.
Sukad sa bata pa siya, ang fencing mao ang iyang paborito nga duwa, mao nga nalipay siya nga ika-13 sa kinatibuk-an nga 31 ka players sa kategorya nga beterano sa Circuit Europeen 2025.
Napildi siya ni kanhi Olympic gold medalist nga si Pascal Jolyot.
Ang 66-anyos nga singer kay nagbansay sa British Olympic fencing squad niadtong 1980.
Gawas sa pagkanta, nanag-iya siya og kaugalingong brewery og piloto usab nga nakalupad og commercial flights sulod sa 7,500 ka oras.
Usa lang si Dickinson sa mga singer nga mahiligon sa sports, sama sa Latin artist nga si Julio Iglesia nga nagduwa og soccer alang sa Real Madrid ug ang mag-aawit nga si Jack Johnson nga nahimong pinakabata nga dinapit sa finals sa Pipeline Masters surfing tournament sa Hawaii sa edad nga 17.
