LAPU LAPU CITY, CEBU-Nagmalampuson ang Ironman 70.3 Traithlon diin gipahigayon sa dakbayan sa Lapu-Lapu City, Cebu.
Diin mikabat sa kapin 1,300 ka mga atleta gikan sa 54 ka mga nasud ang miapil sa maong kalihokan.
Nakuha ang gold medal sa Men’s Pro Title ni South African Olympian nga si Henri Schoeman ug ang mga runners-up sa maong division kay sila Sam Osborne nga taga-New Zealand nga nakakuha sa silver medal ug Thomas Bishop taga-Great Britain nga nakakuha sa bronze medal.
Samtang sa Women’s Pro Title, si Els Visser nga taga-Netherlands ang nakakuha sa gold medal ug si Anne Reischmann ng taga-Germany.
Gipaambit ni Schoeman, ang iyang nahimong technique arun sa pagkab-ot sa kalampusan diin matud pa niini nga wala niya gihatagan og higayon ang iyang mga kontra nga maapsan siya hinungdan nga kanunay kini maglantaw sa iyang likod.
Gani, nahuman kini og 4 ka oras, 2 ka minuto, ug 31 ka segundos.
Samtang ang nagsunod niya nga si Sam Osborne nahuman og 4 ka oras, 6 ka minutos ug 40 segundos ug ang ikatulo nga British athlete nahuman og 4 ka oras, 11 ka minutos ug 1 ka segundo.
