CEBU CITY-Gipasabot ni Atty. Elaine Bathan, ang kanhi governor sa Integrated Bar of the Philippines (IBP) Eastern Visayas ang kahulugan sa ‘irreconcilable differences’.
Kini subay sa hisgutanan sa divorce bill, kung diin mao kini ang usa sa mga grounds para mamahimong maputol ang relasyon sa magti-ayon ug ma-inbalido ang ilang kasal.
Matud ni Bathan sa dihang nahinabi sa Bombo Radyo Cebu atol sa tulumanong Dura Lex Sedlex, nga kung ang usa ka magti-ayon bisan paman og nagkauyab sa taas nga panahon ayha nagminyo, naa gihapon kini mga kina-iya nga wala nahibaw-an.
Hangtud kini matud pa nga muabot na sa punto nga naa nay ‘pressure’ sa pag-umol sa pamilya ug dili na magkasinabot pa bisan unsaon– mao kini ang ‘irreconcilable differences’.
Nunot niini, nagtoo usab si Bathan nga bintaha usab ang maong balaudnon para sa mga magti-ayon nga nagbuwagay na sa taas nga panahon apan tungod kay limitado ang balaud sa nasud, wala niini naproseso ang annulment.
Apan gitino sa gihapon ni Bathan nga bisan paman og pasalig sa maong balaudnon nga mas dali ang divorce process itandi sa annulment og dili usab tantong mahal, naa gihapon kini proseso kung diin mu-agi gihapon kini sa husgado tungod kay sa nakalatid sa familiy code sa Pilipinas ,nakalatid nga kinahanglan mu-intervene gyud ang gobyerno sa problema sa pamilya aron sa pagprotihir niini.
