CEBU CITY-Nagpasidaan ang Cebu City – Department of Veterinary Medicine and Fisheries (DVMF) sa publiko sa dakbayan sa Sugbo nga mahimong responsible sa pagbuhi sa ilang mga alagang hayop ilabi na sa nagbuhi og iro ug iring nga mao ang komon nga hinungdan sa kaso sa rabies.
Pamultahon na sa umaabot nga buwan sa Hunyo ang mga pabaya nga mga tag-iya ug binuhi sa DVMF sa pakigkauban niini sa mga barangay
Mao kini ang gibutyag ni Cebu City Veterinarian Alice Utlang nga ang mga iresponsableng tag-iya og binuhi hatagan og citation ticket sugod sunod buwan.
Matud pa ni Utlang nga aduna na silay gibansay nga mga opisyal sa citation ticket.
Pamultahon og P2,000 ang mga tag-iya og binuhing hayop nga wala makabakuna sa ilang mga binuhi.
Samtang, P500 ang multa sa mga tag-iya og binuhi nga magdala sa ilang mga binuhi sa gawas nga walay higot.
