Nagpasidaan ang Israel nga mahimo nilang atakehon pag-usab ang Iran kon mosulay kini sa pagpabuhi sa iyang nuclear ug ballistic missile programs.
Si Eli Cohen, ang energy minister sa Israel ug miyembro sa security cabinet, miingon nga dili obligado ang Israel nga mosunod sa bisan unsang kasabutan tali sa Estados Unidos ug Iran kung dili niini mapanalipdan ang seguridad sa Israel.
Matod ni Cohen, andam ang Israel nga mohimo og military action kon makita nilang gipadayon o gipahiuli sa Iran ang mga programa niini sa nuclear ug ballistic missiles.
Apan iyang gipahayag nga dili nila atakehon ang Iran kung dili kini mopadayon sa maong mga programa ug magpabiling malinawon.
Gilauman sa Israel nga padayon nilang bantayan ang kalihokan sa Iran, ilabina tungod sa posibilidad nga sulod sa duha ngadto sa upat ka tuig mahimo kining mosulay sa pagpahiuli sa iyang nuclear capabilities.
Ang maong pasidaan midugang sa tensiyon tali sa duha ka nasod samtang nagpadayon ang mga paningkamot alang sa diplomatikong solusyon sa isyu sa nuclear program sa Iran.
