CEBU CITY-Pipila ka mga konsumidor sa Metropolitan Cebu Water District (MCWD) sa dakbayan sa Sugbo ang midangop sa buhatan sa Office of the Presidente sa Palasyo ng Malacañang aron sa pagpatunga niini sa isyu kabahin sa suplay sa tubig.
Ang maong grupo nipadangit og suwat ngadto kang Executive Secretary Lucas Bersamin nga nagmando sa Local Water Utilities Administration (LWUA) aron sa pagtatunga niini sa pagdumala sa MCWD.
Ang maong liham kay pinetsahan sa Disyembre 6, 2024 diin nadawat sa Office ofthe President pag Disyembre 20 dayon na forward sa Presidential Action Center pag Disyembre 26.
Gihisgutan sab sa maong liham ang kapakyas sa liderato sa kanhi Chairman of the Board of Directors nga si Atty. Joselito “Joey” Daluz III sa alegasyong graft, corruption, ug mismanagement niini sa pagprioritioze sa pagluwat og binilyon nga kontrata sa mga anomalosong desalination plants kaysa pagsulba sa mga nausik nga tubig o Non-Revenue Water (NRW).
Dugang pa nga ang management sa MCWD kay nagsugod na sa iyang buwanang bayad sa wala pa mahatod nga tubig niini sa koneksyon sa MCWD ngadto sa iyang mga konsumidor.
Apan sa habig sa MCWD pinaagi sa tigpamaba niini nga si Minerva Gerodias diin gihimakak niini nga nakadawat sila og komunikasyon gikan sa Malacañan apan gikompirmar niini ang liham nga nadawat gikan sa LWUA sa nakalabay nga semana.
Mipahayag sab si Gerodias nga ang LWUA mimando sa MCWD sa pagtubag sa mga alegasyon, nga gihulagway niini nga sa pagbalik lang nanakalabayng mga isyu ug mipahibalo nga gidumala na sa ilang mga abogado ang maong alegasyon.
