Magpadala ang Italy og mga barkong iggugubat aron masiguro ang luwas nga pag-agi sa mga commercial vessel niini sa Bab al-Mandeb Strait, imbes nga maghulat pa og hiniusang desisyon gikan sa European Union.
Gipahayag ni Italian Defense Minister Guido Crosetto nga ang nasud adunay kapasidad sa pagpanalipod sa maong agianan sa tubig ug nagpasidaan bahin sa grabeng mga sangputanan sa ekonomiya kung hingpit nga mababagan ang maong ruta sa pagpadala sa mga kargamento.
Gipasabot ni Crosetto nga dili angay tugotan sa Rome nga mograbe pa ang komplikado na nga sitwasyon sa rehiyon tungod sa mga paglangan sa paghimog desisyon nga dala sa burukrasya.
Ang Bab al-Mandeb Strait, nga nagdumala sa 12 ngadto sa 15 porsyento sa tibuok kalibutan nga pamatigayon, nahimong mas kritikal human nakuha sa Iran ang kontrol sa Strait of Hormuz taliwala sa panagbangi niini sa Estados Unidos ug Israel, nga nagtukmod sa mga nasud sama sa Saudi Arabia sa paggamit sa Red Sea isip alternatibong ruta sa lana.
Misamot pa ang mga hulga sa seguridad sa maong lugar human giilog sa grupong Houthi, nga gisuportahan sa Iran, ang kontrol sa tibuok kasadpang baybayon sa Yemen ug sa mga kasikbit nga isla, nga naghatag kanila og direktang kahigayonan sa pag-atake sa mga internasyonal nga barko.
